Hvað er að frétta?

Hér er tekið saman ýmislegt sem er á döfinni og sem við erum stolt af úr okkar daglega starfi.
JÓHANN G. JÓHANNSSON, FORSVARSMAÐUR EYJÓLFS OG AÐALGEIR HÓLMSTEINSSON, FRAMKVÆMDASTJÓRI ALVERKS, UNDIRRITA SAMNINGA.
10/05/2021

Fasteignafélagið Eyjólfur, sem er í eigu fjárfestingafélagsins Aztiq, og Alverk hafa undirritað samning um uppsteypu og frágang utanhúss vegna stækkunar hátækniseturs í Vatnsmýri. Hátæknisetrið verður hrein viðbót við húsakynni Alvotech en Eyjólfur hefur gert langtíma leigusamning við Alvotech um notkun hússins.

Verkið felst í uppsteypu og utanhúss frágangi vegna stækunnarinnar en byggingin er á svæði Vísindagarða í Vatnsmýri. Byggingin verður fjórar hæðir auk kjallara, alls 12.600 m².

Kostnaður við uppsteypu og utanhúss frágang eru rúmir tveir milljarðar króna og áætlaður heildarkostnaður stækkunarinnar er um fimm til sex milljarðar króna. Heildarfjárfesting Aztiq vegna uppbyggingar Alvotech hér á landi er yfir 100 milljarðar króna.

MYND AF SIGÞRÚÐI GUÐMUNDSDÓTTUR FRAMKVÆMDASTÝRU KVENNAATHVARFSINS OG AÐALGEIR HÓLMSTEINSSYNI FRAMKVÆMDASTJÓRA ALVERKS EHF. VIÐ UNDIRRITUN MEÐ COVID VARNIR.
01/12/2020

Alverk og Samtök um kvennaathvarf hafa gengið frá samstarfssamningi varðandi undirbúning og hönnun á byggingu neyðarathvarfs fyrir konur og börn.

Áætluð stærð er u.þ.b. 800 fm og verður nýja athvarfið staðsett á lóð sem Reykjavíkurborg hefur úthlutað Sjálfseignarstofnun Kvennaathvarfsins. Alverk ásamt Sigríði Ólafsdóttur, arkitekt hjá Grímu arkitektum, mun fyrst um sinn vinna að forskoðun og þarfagreiningu fyrir hið nýja athvarf og jafnframt aðstoða við breytingu á deiliskipulagi, í samstarfi við skipulagssvið Reykjavíkurborgar og ráðgjafa borgarinnar, fyrir hönd verkkaupa.

Samningurinn er undirritaður í framhaldi af góðu samstarfi aðilana um byggingu á nýju áfangaheimili Kvennaathvarfsins.

03/11/2020

Alverk hefur nú samið við Landhelgisgæslu Íslands, í umboði Framkvæmdasýslu Ríkisins, um byggingu svefnskála á öryggissvæði Keflavíkurflugvallar. Til stendur að byggja um 300 gistirými á svæðinu, fram til ársins 2024.

Aðalhönnuður fyrir Alverk er Sigríður Ólafsdóttir arkitekt hjá Grímu ehf. og um verkfræðihönnun sér Verkfræðistofan EFLA.

15/10/2020

Það er ánægjulegt og okkur mikill heiður að vera á þessum óháða lista Viðskiptablaðsins og Keldunar yfir fyrirmyndar fyrirtæki á Íslandi. Alverk hafnar hér í sjöunda sæti yfir rekstrarhæfi á landsvísu, í hópi millistórra fyrirtækja. Við þökkum framúrskarandi starfsfólki og viðskiptavinum.

19/09/2020

Framkvæmdum við Keilugranda 1-11 í Reykjavík lauk í september sl. og hafa 78 íbúðir verið afhentar nýjum íbúum. Framkvæmdir hófust í byrjun árs 2018. Framkvæmdin gekk í heild sinni vel og var á áætlun hvað varðar tíma, verkgæði og kostnað. Verkkaupi er Búseti hsf.

BÖÐVAR JÓNSSON FRAMKVÆMDASTJÓRI BN OG AÐALGEIR HÓLMSTEINSSON FRAMKVÆMDASTJÓRI ALVERKS.
27/12/2019

Alverk hefur nú samið við Landhelgisgæslu Íslands, í umboði Framkvæmdasýslu Ríkisins, um byggingu svefnskála á öryggissvæði Keflavíkurflugvallar. Til stendur að byggja um 300 gistirými á svæðinu, fram til ársins 2024.

Aðalhönnuður fyrir Alverk er Sigríður Ólafsdóttir arkitekt hjá Grímu ehf. og um verkfræðihönnun sér Verkfræðistofan EFLA.